لازوال ڈیسک
ممبئی؍؍ بروز سنیچر, بتاریخ 25 نومبر 2023ء پریس کلب،ممبئی میں اقبال ایجوکیش ویلفیر سوسائٹی (رجسٹرڈ NGO) جس کی صدر سیدہ تبسم، اور جنرل سیکریٹری منظور ناڈکر ہیں‘ کی افتتاحی تقریب عمل میں آئی۔پروگرام کا آغاز صفا ناڈکر کی تلاوت سے ہوا اور انایہ شیخ نے خوبصورت آواز میں نعت پیش کی۔ جس کی صدارت محترم حسن چوگلے نے کی اور ان ہی کے بدست تنظیم کا افتتاح عمل میں آیا۔ مہمان خصوصی مجیب خان تھے۔پروگرام کی افتتاحی کلمات کمال مانڈلیکر نے ادا کیئے۔ اسی تقریب میں سیدہ تبسم منظور کی نظموں پر مشتمل کتاب ’’ کلیاں احساس کی‘‘کا رسمِ اجراء بدست محترم مجیب خاں ہوا۔ رؤف فجندار اور قاسم امام بطور مہمانانِ اعزازی شریک رہے۔اس تقریب میں ملک بھر کے معروف تنظیموں کے ذمہ دار احباب کا ان کی ادبی و سماجی خدمات کا اعتراف کرتے ہوئے اعزاز و اکرام کیا گیا۔ حسن چوگلے کوسید اقبال احمد بیسٹ تعلیم ماہر ایوارڈ سے نوازا گیا۔ مجیب خان کو سید اقبال احمد بیسٹ ڈرامیٹک ایوارڈ سے نوازا گیا۔ اسٹار نیوز ٹیلی ویژن نوشاد عثمانی ، اردو کارواں فرید خان ، اردو آنگن کے مشیر انصاری ،ثمر اکیڈمی اشفاق عمر ، گل بوٹے کے فاروق سید ، آئیڈیل فاؤنڈیشن کے باوا چوگلے ، کوکن کمیونٹی ٹیلنٹ فورم کمال مانڈلیکر ، دانش ایجوکیشن سوسائٹی کے اخلاق ناگوٹھنے ،کوکن کمیونٹی فورم کے سلیم الوارے ، اخبار حالات کے ایڈیٹر ابوبکر صدیق ، صابو صدیق کے پرنسپل قریشی ،ڈاکٹر ذاکر خان ، منور حسین ، عمران علوی ، اقبال ایجوکیشن سوسائٹی کی جانب سے اعزاز سے نوازا گیا۔ فرید خاں نے سیدہ تبسم کی ادبی خدمات کا اعتراف اپنی تقریر میں بڑے اچھے انداز میں کیا۔ ڈاکٹر ذاکر خان نے ’’کلیاں احساس کی‘‘ پر بہت بہترین تبصرہ پیش کیا۔ ڈاکٹر قاسم امام نے اپنی تقریر میں سیدہ اور اہل خانہ کو مبارکباد پیش کی۔ رؤف فجندار نے مرحوم سید اقبال احمد کی زندگی پر روشنی ڈالی۔ مجیب خان نے سیدہ کی ادبی خدمات کو سراہا، صدر جلسہ حسن چوگلے سر نے صدارتی خطبہ میں سیدہ تبسم کو مشورہ دیا کہ وہ نوجوان لڑکیوں کو ادب سے جوڑنے کی بھرپور کوشش کریں۔ سیدہ نے ادب کے ساتھ ساتھ کوکن کے قلم کاروں کو ایک پلیٹ فارم پر لانے کی کوشش کی ہے۔ اس بات کے لئے صدر نے انھیں مبارکباد پیش کی اور ان کے رفیقِ حیات منظور ناڈکر کی خدمات کو لائقِ ستائش کہا۔ پروگرام کو کامیاب بنانے کے لیے عمر ناڈکر، عمران ناڈکر،اظہر شیخ،اِرم شیخ (ناڈکر) فرح ناڈکر، ثنا ناڈکر نے انتھک محنت کی۔ نظامت کے فرائض منور حسین احمدنگری نے سرانجام دئے۔ عارف اعظمی، سرگورو محمد علی خان آفتاب اجمیری ان کی اہلیہ کے ساتھ، سائرہ خان ، وسیم ، شعیب ابجی اہلیہ کے ساتھ، ماجد ، اور فردافردا کئی مہمانوں نے اس محفل کی رونق میں چار چاند لگا دیئے۔ پروگرام پانچ بجے اختتام پذیر ہوا۔ پروگرام کے اختتام پر منظور ناڈکر نے تبسم صاحبہ کو نظم نذر کی ہے وہ سنائی اورحاضرین کا دل سے شکریہ ادا کیا۔
