غیر معیاری ادویات بیچنے والے دوا سازوں پر ڈرگس اینڈ کاسمیٹکس ایکٹ، 1940 کے تحت ہوگی کارروائی
لازوال ڈیسک
جموں//آج یہاں صوبہ جموں میں ایک خصوصی مہم کے تحت اعلیٰ آفیسران کی نگرانی میں صوبہ کے مختلف میڈیکل اسٹووں کا اچانک معائنہ کیا گیا۔دریں اثناء متعلقہ اصولوں کی خلاف ورزی کرنے والے 12میڈیکل اسٹوروں کو با ضابطہ طور پر بند کر دیا ۔ جبکہ اس مہم کا مقصد اس بات کو یقینی بنانا تھا مختلف ادویات فارمیسیز قوانین اور اصول و ضابط کے مطابق ضرورت مند مریضوں کو فروخت کی جائیں اور فارمیسیز قانون کے مینڈیٹ کے مطابق مریضوں کی دیکھ بھال کے بہترین مفاد میں سختی سے کام کیا جائے۔وہیں اس مہم کے تحت مختلف زمروں کے تقریباً دو سو فارمولیشنز کے قانونی ادویات کے نمونے جانچ کیلئے لئے گئے تھے۔ جبکہ ان نمونوں کو جموں و کشمیر یوٹی کے اندر واقع ڈرگ ٹیسٹنگ لیبارٹریز کو بھیجا گیا تھا تاکہ ان کے معیار کے پیرامیٹرز کا پتہ لگانے اور اس بات کو یقینی بنانے کے لیے کہ معیاری ادویات کیا صارفین کو فروخت کی جا رہی ہیں یا نہیں۔دریں اثناء نمونوں کی جانچ کے بعد پتہ چلا کہ پورے جموں صوبہ میں دس سے زائد میڈیل اسٹوروں میں غیر معیاری اور ناقص ادویات فروخت کی جارہی ہیں۔جبکہ ان بارہ ریٹیل سیل اسٹیبلشمنٹ میں جموں میں چار، ضلع سانبہ میں تین، ضلع پونچھ میں دو،جبکہ کٹھوعہ رام بن میں ایک ایک، کو ڈرگس اینڈ کاسمیٹکس ایکٹ، 1940 کے 22 (d) کے تحت بند کر دیا گیا ۔مزید برآں، 3,86,100 روپے کی ادویات کا ذخیرہ جو D&C ایکٹ کی دفعات کی خلاف ورزی کرتے ہوئے پایا گیا،وہیں اس سلسلہ میں تنظیم کے ریگولیٹری افسروں نے منشیات اور کاسمیٹکس ایکٹ کے سیکشن 23 کے تحت ضبط کر لیا گیا ۔اس کے علاوہ مذکورہ مہم کے دوران، لوئر کڈ میں چلائی جا رہی ایک غیر لائسنس یافتہ دکان سے فارم – 16 پر 27,465 روپے کی منشیات کا ذخیرہ ضبط کیا گیا جس کی اجازت چیف جوڈیشل مجسٹریٹ ادھمپور کی عدالت سے حاصل کی گئی تھی۔ وہیں اس سلسلہ میں با ضابطہ طور پر معاملے کی تحقیقات شروع کر دی گئی ہے اور اس معاملے میں مزید قانونی کارروائی کے لیے ملزمین کو دفعہ 18 (a) کے تحت نوٹس جاری کر دیا گیا ہے۔دریں اثنا، لائسنسنگ اتھارٹی نے راجوری میں ایک تھوک فرم کا لائسنس منسوخ کر دیا جو غیر اخلاقی تجارتی طریقوں میں ملوث پائی گئی ۔
