یروشلم،// اسرائیل نے تصدیق کی ہے کہ حماس کی جانب سے انہیں رات میں یرغمالیوں کی فہرست موصول ہوئی ہے جنہیں پیر کو رہا کیا جانا ہے۔
آئی24 براڈکاسٹر نے یہ اطلاع دی۔
حماس نے اب تک مجموعی طور پر 58 یرغمالیوں کو رہا کیا ہے جبکہ اسرائیل نے 117 فلسطینی قیدیوں کو رہا کیا ہے۔
گزشتہ ہفتے قطر نے اسرائیل اور حماس کے درمیان ایک معاہدے کی ثالثی کی جس میں چار روزہ جنگ بندی اور کچھ قیدیوں اور یرغمالیوں کے تبادلے کے ساتھ ساتھ غزہ کی پٹی کو انسانی امداد بھی شامل تھی۔
اسرائیلی اور غیر ملکی یرغمالیوں کے پہلے گروپ کو جمعہ کے غزہ پٹی سے رہا کیا گیا۔
اس سے قبل اتوار کو اسرائیل نے حماس کے ساتھ جنگ بندی معاہدے کے تحت 24 خواتین سمیت 39 فلسطینی قیدیوں کو رہا کیا تھا۔ خواتین اور بچوں سمیت 13 یرغمالیوں کے ایک گروپ کو حماس کی جانب سے آزاد کیا گیا۔
حماس اور اسرائیل نے رواں ہفتے کے اوائل میں غزہ کی پٹی میں چار روزہ جنگ بندی پر اتفاق کیا تھا۔ معاہدے کے تحت حماس اسرائیل میں قید تقریباً 150 فلسطینیوں کے بدلے غزہ سے کم از کم 50 یرغمالیوں کو رہا کرے گی۔
واضح رہے کہ اسرائیل اور حماس کے درمیان جاری لڑائی میں اب تک 15700 سے زائد افراد ہلاک ہو چکے ہیں۔ اسرائیل نے کہا کہ حماس کے حملے میں تقریباً 1200 افراد ہلاک ہوئے جبکہ 200 سے زائد کو غزہ میں پناہ گاہوں میں منتقل کیا گیا۔ اسی دوران غزہ میں حماس کے زیر انتظام میڈیا آفس کے مطابق غزہ میں اسرائیلی حملوں میں اب تک فلسطینیوں کی ہلاکتوں کی تعداد 14,532 ہو گئی ہے۔
