کہا اے آئی ایف ایف کے سکریٹری جنرل نے جموں و کشمیر میں فٹ بال کی ترقی کے لیے ہر ممکن مدد کا یقین دلایا
لازوال ڈیسک
جموں؍؍آل انڈیا فٹ بال فیڈریشن (AIFF) چاہتا ہے کہ جموں و کشمیر فٹ بال ایسوسی ایشن پہلے جمہوری طور پر منتخبیوٹی باڈی کو قائم کرے اور پھر ان کے لیے مزید فوائد حاصل کرے۔یہ بات نیشنل فٹ بال باڈی میں جموں و کشمیر کے نمائندے ارون ملہوترا نے نئی دہلی میں اے آئی ایف ایف کے جنرل سکریٹری ایم ستیانارائن کے ساتھ جموں و کشمیر میں فٹ بال کی ترقی کے سلسلے میں ایک تفصیلی میٹنگ کے بعد کہی۔انہوںن ے کہاکہ یہ جموں و کشمیر کے لئے اے آئی ایف ایف کے مستقبل کے منصوبے کے پیش نظر ایک نتیجہ خیز میٹنگ تھی۔انہوں نے مزیدکہاکہ سکریٹری جنرل ایم ستیانارائن جموں و کشمیر کی مدد کرنے میں دلچسپی رکھتے تھے بشرطیکہ یوٹی اپنے انتخابی عمل کو مکمل کرے اور کھیل کو اگلی سطح پر لے جانے کے لیے ایک نئی شکل میں لائے۔ انہوں نے کہاکہ میں نے اے آئی ایف ایف کے اعلیٰ عہدیدار کو جموں و کشمیر میں موجودہ زمینی صورتحال اور ممکنہ راستے کے بارے میں بتایا۔ارون نے ماضی قریب میں تکنیکی سرگرمیوں کے انعقاد کے لیے اے آئی ایف ایف کا شکریہ ادا کیا جس کا واحد مقصد اہل کوچز اور ریفریوں کا ایک پول بنانا ہے۔انہوں نے کہاہ میں نے جنرل سکریٹری کو بتایا ہے کہ مختلف اسٹیک ہولڈرز کے ساتھ بات چیت جاری ہے اور امید ہے کہ جے کے ایف اے کی ایک بااختیار منتخب باڈی بہت جلد قائم ہو جائے گی۔ارون نے کہا کہ اے آئی ایف ایف کے سکریٹری جنرل نے جموں و کشمیر میں فٹ بال کی ترقی کے لیے ہر ممکن مدد کا یقین دلایا۔
