کہا جموں و کشمیر نیشنل کانفرنسغریبوں کی مدد کے لیے ہمیشہ پیش پیش رہی
لازوال ڈیسک
جموں؍؍ ساون کے جاری مہینے کے دوران، انکش ابرول، جموں وکشمیر نیشنل کانفرنس کے صوبائی جوائنٹ سکریٹری جموںاور ڈاکٹر وکاس شرما، زونل سکریٹری اور کوآرڈینیٹر جموں ڈسٹرکٹ (اربن) نے آج جموں ریڈ کراس ہوم ادھے والا میں جسمانی ناخیز افراد کے لیے ایک پروگرام کا انعقاد کیاجہاںبچوں میں کاپیاں، پنسل، پنسل بکس، قلم اور میٹھی اشیاء تقسیم کیں۔واضھ رہے پروگرام کا اہتمام ڈاکٹر وکاس شرما نے کیا تھا اور انکش ابرول مہمان خصوصی تھے۔اس موقع پر بات کرتے ہوئے انکش ابرول نے کہا کہ نیشنل کانفرنس وقتاً فوقتاً سماجی کام کرتی رہی ہے اور ضرورت مندوں کی بلاامتیاز مدد کرنے کے لیے ہمیشہ آگے رہتی ہے۔انہوں نے مزید کہا کہ پارٹی صدرڈاکٹر فاروق عبداللہ ہمیشہ پرجوش رہتے ہیں اور پارٹی کارکنوں کی حوصلہ افزائی کرتے ہیں کہ وہ ذات پات، عقیدہ یا رنگ و نسل سے قطع نظر کمیونٹی کی مدد کریں۔ انہوں نے یقین دلایا کہ مستقبل میں بھی غریب اور نادار افراد کے مفاد میں اس طرح کی تقریبات کا انعقاد کیا جائے گا۔
