آیوشمان بھووکا بنیادی مشن ملک بھر میں 6.45 لاکھ گاؤں اور 2.55 لاکھ گرام پنچایتوں تک پہنچنا ہے
یواین آئی
نئی دہلی؍؍وزیر اعظم نریندر مودی کی قیادت میں ہندوستان میں یونیورسل ہیلتھ کوریج کی اہم ضرورت کو پورا کرنے کے لیے 2017 کی قومی صحت پالیسی کے مطابق 2018 میں آیوشمان بھارت پروگرام شروع کیا گیا تھا۔ اس کا مقصد ہرکسی کے لئے جامع صحت کی دیکھ بھال کی خدمات فراہم کرنا ہے خواہ لوگ کہیں بھی رہتے ہوں یا ان کی معاشی حیثیت جیسی بھی ہو۔ ان خیالات کا اظہار مرکزی وزیر صحت ڈاکٹر منسکھ مانڈویہ نے اپنے ایک مضمون میں کیا۔انھوں نے کہا کہ آیوشمان بھارت طبقاتی صحت کی دیکھ بھال کی طرف سے مکمل اور ضرورت پر مبنی نقطہ نظر کی طرف منتقل ہو رہا ہے۔ یہ صحت اور فلاح و بہبود کے مراکز)ایچ ڈبلیو سیز) اور پردھان منتری جن آروگیہ یوجنا) پی ایم- جے(کے ذریعے بنیادی، ثانوی اور تیسری سطحوں پر روک تھام، فروغ، اور دیکھ بھال کا احاطہ کرتا ہے۔مرکزی وزیر نے کہا کہ بہر حال یہ صرف صحت کی دیکھ بھال کا پروگرام بنانے کے بارے میں نہیں ہے۔ مقصد یہ یقینی بنانا ہے کہ ہندوستان میں ہر کوئی اس سے فائدہ اٹھائے۔ نئی مہم، آیوشمان بھوو، یہی ہے۔ آیوشمان بھوو کا آغاز ہندوستان کی صدر محترمہ دروپدی مرمو نے 13 ستمبر 2023 کو کیا تھا، جس میں پی ایم- جے کے بارے میں بیداری کے ساتھ مجموعی کوریج پر توجہ مرکوز کی گئی تھی۔ ان میں آیوشمان بھارت ہیلتھ اکاؤنٹ آئی ڈی بنانا اور مختلف صحت کی خدمات فراہم کرنا، بشمول بیماریوں کی جانچ اور متعدد بیماریوں جیسے تپ دق، ہائی بلڈ پریشر، اسکل سیل کی بیماری، ذیابیطس وغیرہ ہمارے دیہاتوں کے ساتھ ساتھ شہری وارڈوں میں انتظام کرنا شامل ہیں۔انھوں نے کہا کہ آیوشمان بھووکا بنیادی مشن ملک بھر میں 6.45 لاکھ گاؤں اور 2.55 لاکھ گرام پنچایتوں تک پہنچنا ہے۔ اس بات کو یقینی بنانا ہے کہ لوگ صحت کی دیکھ بھال کو سمجھ سکیں اور ان تک رسائی حاصل کر سکیں۔اسے‘انتیودیا’کے اصول کے مطابق ڈیزائن کیا گیا ہے تاکہ یونیورسل ہیلتھ کوریج کی تلاش میں کسی کو پیچھے نہ چھوڑا جا سکے۔ مجموعی صحت کی دیکھ بھال کی کوریج کو آسان بنانے کے لیے مہم میں سیوا پکھواڑا جیسی سرگرمیاں شامل ہوں گی، جس میں اعضاء کے عطیہ کی مہم، صفائی مہم)سوچھتا ابھیان(، خون کے عطیہ کی پہل، اور بہت کچھ شامل ہے۔مرکزی وزیر نے کہا کہ صحت کی دیکھ بھال کی خدمات کی مجموعی فراہمی کی بنیادوں کو مضبوط کرتے ہوئے یہ مہم تین بنیادی ستونوں کا استعمال کرتے ہوئے آیوشمان بھارت کی رسائی کو وسیع کرتی ہے: آیشمان آپ کے دوار سوئم، آیشمان سبھا، اور آیوشمان میلہ۔یہ ستون جامع کوریج، باہمی تعاون سے آگاہی پیدا کرنے اور کمیونٹی پر مبنی کوششوں پر توجہ مرکوز کرکے خدمات کی فراہمی کوآگے بڑھاتے ہیں۔آیوشمان آپ کے دوار سوئم آیشمان بھارت کے بہتر استعمال کے ساتھ آیوشمان کارڈ کی تقسیم کو ا?گے بڑھا کر اپنے پہلے ورڑن)اول اور دوئم)کی کامیابی پر آگے بڑھے گا اورخدمات کی وسیع کوریج کو یقینی بنائے گا۔ آیشمان سبھا کا مقصد ہندوستان میں دستیاب صحت کی دیکھ بھال کی مختلف اسکیموں اور خدمات کے بارے میں بیداری کو فروغ دینا ہے۔ اس کی قیادت ولیج ہیلتھ، سینی ٹیشن اور نیوٹریشن کمیٹی کرے گی۔ آیشمان بھوو پہل کو مزید آگے بڑھانے کے لیے آیوشمان میلے صحت کے خدشات کے وسیع میدان سے نمٹنے کے لئے ایک مؤثر پلیٹ فارم کے طور پر کام کریں گے۔ اس طرح مؤثر طریقے سے ایک بڑے سامعین تک پہنچنے اور صحت کی دیکھ بھال کی خدمات کے استعمال کو فروغ دیا جائے گا۔ڈاکٹر منسکھ مانڈویہ نے کہا کہ‘آیشمان – آپ کے دوار‘ پہل، 17 ستمبر کو ایک وسیع ملک گیر مہم کے ساتھ شروع ہوگی اور 31 دسمبر تک چلے گی۔ اس سے پی ایم جے اسکیم کے تحت تقریباً 60 کروڑ مستفیدین کو آیشمان کارڈ کی اعلیٰ فراہمی کو یقینی بنایا جائے گا۔آیشمان آپ کے دوار کے ذریعے، ملک کے ہر اہل خاندان کو آیوشمان کارڈ کے لیے رجسٹر کیا جائے گا۔ اس بات کو یقینی بناتے ہوئے اے بی- پی ایم جے اسکیم کے تحت انہیں ہیلتھ کارڈ جاری کیے جاتے ہیں۔ اس ستون کا بنیادی مقصد یہ یقینی بنانا ہے کہ ہر اہل استفادہ کنندہ کو اپنا آیوشمان کارڈ ملے اور ہر کسی کو سستی صحت کی دیکھ بھال کی خدمات تک رسائی حاصل ہو۔انھوں نے مزید کہا کہ آیوشمان سبھا کا 2 اکتوبر 2023 کو اہتمام کیا جائے گا۔ اس کے بعد کا ایک راؤنڈ 31 دسمبر 2023 سے پہلے ہوگا، جو پورے ملک میں دیہاتوں اور شہری وارڈوں میں پھیلے گا۔آیوشمان سبھا شہریوں کے لیے ایک پلیٹ فارم کے طور پر کام کرے گی کہ وہ متعدی اور غیر متعدی بیماریوں کے بارے میں معلومات حاصل کریں اور ساتھ ہی صحت کی دیکھ بھال کی خدمات کے بارے میں اپنے خدشات کا اظہار کریں، صحت کی دیکھ بھال کے نظام کے سماجی جوابدہی کو فروغ دیں اور‘‘جن بھاگداری سے جن کلیان‘‘ کی مثال بنیں۔ ان اجتماعات میں پی ایم- جے کارڈز کی تقسیم، فہرست میں شامل اسپتالوں کی نمائش، آیوشمان بھارت ہیلتھ اکاؤنٹ آئی ڈی بنانے، اسکریننگ کی خدمات اور صحت سے متعلق بات چیت جیسی سرگرمیاں شامل ہوں گی۔ اس کا مقصد استفادہ کنندگان، اور تپ دق کے چیمپئنز اور مزید کمیونٹی کو حوصلہ افزائی کرنے کے لئے ایم پیز/ایم ایل اے، پی ایم-جے اے وائی سے مستفید ہونے والوں، آیوشمان بھارت صحت اور تندرستی کے مراکز کی شراکت سے مختلف بیماریوں کے بارے میں بیداری پیدا کرنا ہے۔آیوشمان میلے گاؤں میں صحت او ر تندرستی کے 1.6 لاکھ مراکز میں لگاتار ہر ہفتے لگیں گے اور یہ میلے بلاک کی سطح پر میڈیکل کالجوں کے زیر اہتمام کمیونٹی ہیلتھ سینٹر ز میں بھی منعقد کرائے جائیں گے۔ کمزور اور غریب آبادی کے مابین صحت نگہداشت خدمات کے تئیں بیداری پھیلائی جائے گی۔ ان میلوں میں خصوصی خدمات مثلاً ای این ٹی، آنکھ اور نفسیاتی نگہداشت تک رسائی کو بڑھانا، نگہداشت میں تسلسل لانا، کمیونٹی ااور طبی نظام کے درمیان اعتماد کو مضبوط کرنا، صحت کی جانب توجہ دلانا اور ہر بیمار شخص تک طبی خدمات کو پہنچانا خاص مقصد ہے۔مرکزی وزیر نے کہا کہ ان اقدامات سے جن نتائج کی توقع کی جا رہی ہے، وہ یہ ہے کہ ہر دیہی اور شہری وارڈ کو ایک آیوشمان گرام پنچایت یا آیوشمان اربن وارڈ میں تبدیل کر دیا جائے اور بنیادی سطح پر اہم تبدیلیاں اور اصلاحات لائی جائیں۔ ان گاؤوں کو مستند گاؤں کا درجہ دیا جائے گا، جو ہر زمرے کے تحت منتخبہ اسکیموں پر 100 فیصد عمل کریں گے، جن میں آیوشمان کارڈ، آیوشمان بھارت ہیلتھ اکاؤنٹ آئی ڈی بنانا، آبادی پر مبنی متعدی اور غیر متعدی بیماریوں (این سی ڈی) کی اسکریننگ وغیرہ شامل ہیں۔انھوں نے کہا کہ طبی نگہداشت کی زیادہ سے زیادہ فراہم کے ویڑن کے تحت سیچوریٹیڈ ہیلتھ کیئر کوریج صرف ایک مقصد نہیں ہے، بلکہ یہ پردھان سیوک یعنی وزیراعظم نریندر مودی کے ذریعے انسانیت کی خدمت کا ایک وعدہ ہے، جو کہ ہماری قدیم دانائی میں پنہاں ہے اور برہدارنیکا اپنشد میں تحریر ہے۔‘‘سروے بھونتو س?کھِن، سروے سنتو نِرامیا، سروے بھدرانی پشینتو، ما کشی چَددو کھبھاگ بھویت ’’(سب خوش رہیں، سب بیماریوں سے پاک رہیں، سب مبارک چیزیں دیکھیں کوئی بھی کسی قسم کی مصیبت میں گرفتار نہ ہو۔ آیوشمان بھو، بہترین طبی نگہداشت کے اس وعدے کا ہی مظہر ہے اور اس میں ہر شہری کے لئے اور پوری قوم کے لئے طویل زندگی اور قابل رشک صحت شامل ہے۔
